A Innovación ao servizo do benestar
Innovación sociosanitaria
A innovación sociosanitaria é clave para introducir nos ecosistemas sociais novas condutas, hábitos e modelos substancialmente diferentes aos actuais.
O noso enfoque é implementar modelos transformadores que melloren o benestar físico, mental e social das persoas dende perspectivas diferentes e complementarias ás puramente tecnolóxicas. O Modelo Atenzia incorpora as novas formas de facer, organizarse e relacionarse mantendo sempre unha visión humanista da atención.
Investigamos de forma continua e colaboramos con fundacións, institucións académicas e médicas de referencia e creamos sinerxías que nos permiten estar á vangarda no coidado das persoas.
Innovación tecnolóxica
A atención humanizada tamén está ligada ao uso da tecnoloxía como unha ferramenta ao servizo das persoas. Unha tecnoloxía que mellora a súa calidade de vida e cuxa adopción require necesariamente experiencias de uso natural, fácil e intuitivo. Os usuarios demandan dispositivos e procedementos técnicos que pasen desapercibidos e que non interfiran na súa actividade diaria. Tecnoloxías que proporcionen seguridade e tranquilidade á vez que fomentan a autonomía das persoas.
A innovación tecnolóxica aporta ao Modelo Atenzia melloras e ferramentas para unha atención cada vez máis sofisticada, precisa e sostible. Unha dixitalización de extremo a extremo de todos os nosos servizos que incorpora a experiencia e o coñecemento sociosanitario do noso equipo de profesionais.
A tecnoloxía adquire o seu verdadeiro valor só cando está centrada no benestar dos nosos usuarios e nas competencias dos nosos profesionais.
Metodoloxía colaborativa
En Atenzia implicámonos en cada proxecto ata facelo realidade. Como organización comprometémonos cos nosos clientes deseñando solucións personalizadas que garanten a resposta máis eficaz ás súas necesidades.
Implementamos en cada proxecto o noso modelo de atención único polo seu rigor científico e adaptámolo en cada situación. O noso deseño de servizos facilita que calquera usuario teña a oportunidade de mellorar o seu benestar físico, mental e social.
A nosa metodoloxía componse de tres fases de traballo nas que empatizamos, ideamos e activamos a solución máis idónea para a túa organización e para as persoas ás que imos acompañar. O noso obxectivo é deseñar o mellor servizo.
Atenzia lanza CAREwell
Este proyecto se enmarca dentro del Plan de Recuperación, Transformación y Resiliencia del Ministerio de Industria, Turismo y Comercio, financiado con los fondos NextGenerationEU de la Unión Europea.
