Pertsonei laguntzeko prebentziozko eredu prediktibo eta integral bilakatutako zerbitzua
Madrilgo Udala
Telelaguntza zerbitzuaren eboluzioa berrikuntza sozial eta teknologikoaren bitartez pertsonen behar berriak aurreikusteko eta horiei erantzuteko
Egoera
Hasierako telelaguntza zerbitzua telelaguntza aurreratu bihurtu da. Gure kasuan, prebentziozko eredu prediktibo eta integrala da, eta erabiltzaile bakoitzari moldatzen da honako helburu hauekin:
- Autonomia, burujabetasuna eta etxean irautea areagotu.
- Sare sozialak sortu.
- Behar berriak atzeman eta konpondu.
Ekintza
Erabiltzaileen beharren araberako hurbilketa integrala lortzeko, Atenzia enpresaren balio erantsiko proposamena honako hauetan oinarritzen da:
Erronka demografikoak eta senior berriek buruhaustea dakarte 65 urtetik gorako bizitzaren kontzeptu tradizionalari dagokionez. Adinekoek protagonismoa eskatzen dute gizarteari balioa ematen dioten eta bizitza osoaz gozatzen duten subjektu aktibo gisa
Diziplina anitzeko taldea
Orain arteko ohiko profiletatik bereizten diren profil berriak sartzeak (psikologia, nutrizioa edo fisioterapia arloetako profesionalak) 360º-ko plan bat garatzeko aukera ematen digu.
Pertsonan oinarritutako arretarako eredua
Arretarako eredu propioa, arazoei ekiteko eta pertsona bakoitzaren ahalmenak bultzatzeko, konponbide guztiz pertsonalizatuak sortu ahal izateko.
Berrikuntza
Etengabe ari gara ikertzen eta lankidetzan aritzen gara erreferentziazko fundazioekin eta erakunde akademiko eta medikoekin pertsonen ongizatea hobetzen dituzten eredu berritzaileak txertatzeko.
Emaitzak eta ondorioak
Planteamendu berriari esker, ohikoa ez den zerbitzu bat garatu ahal izan dugu. Hala, telelaguntza berehalako arreta erreaktibora mugatzen zen lehen; orain, ordea, larrialdien aurrean laguntzeaz gain, proaktibotasunagatik nabarmentzen da.
Azken 13 urteotan, zerbitzua aldatu egin da erabiltzaileen kopuruari dagokionez ere bai. Horrela, 2008an, 28.814 pertsonari ematen zitzaien zerbitzua; 2021. urtearen amaieran, berriz, 33.738 pertsonari. Eskualdeko hoberen baloratutako etxez etxeko arreta-zerbitzua izan da; erabiltzaileen batez besteko nota 9,7 izan da, eta erabiltzaileen eta horien senideen eskerrak hirukoiztu egin da hasieratik.
Ildo beretik, arrakastatsutzat jo dezakegu zerbitzuaren txertatzea, eraldaketarako eta moldaketarako ahalmen argia agerian uzten duten berariazko programa berriak sortu direlako, hala nola, zaintzaileei edo nahi ez den bakardadea pairatzen dutenei zuzendutakoak.