Seguimento a pacientes oncolóxicos
AECC Illas Baleares. Programa Contigo contra o Cancro
Seguimento proactivo a pacientes oncolóxicos cunha atención integral, especializada e personalizada
Situación
O diagnóstico dunha enfermidade oncolóxica supón un forte impacto emocional tanto para o propio paciente como para a súa contorna máis próxima. Para reducilo e mellorar a súa calidade de vida desenvolvemos un servizo 24 horas con tres áreas de actuación:
- Orientación médica. Apoio e orientación na xestión de citas e trámites.
- Atención psicolóxica e social. Atención de emerxencias sanitarias.
- Acompañamento emocional.
Acción
Co obxectivo de mellorar a calidade de vida dos pacientes oncolóxicos creamos Contigo, unha liña de atención directa deseñada en colaboración co noso cliente, a AECC Baleares. Con tres pilares fundamentais:
Atención
Un centro de atención profesional, especializada e permanente, dispoñible as 24 horas do día, os 365 días do ano para a atención de calquera emerxencia e incluíndo, ademais, acompañamento emocional.
Coordinación
Para lograr dar unha resposta rápida e eficaz, coordinamos os diferentes recursos sociosanitarios para cada situación/demanda e en cada alerta.
Participación
Como parte da atención a pacientes oncolóxicos, estableceuse un calendario de actividades preventivas e de respiro co fin de ofrecerlle ferramentas e recursos que melloraran a súa calidade de vida.
Resultados e conclusións
Dende a posta en marcha do programa Contigo, en 2017, atendemos a máis de 150 pacientes oncolóxicos e aos seus familiares nas Illas Baleares, logrando un índice de satisfacción do 98,5% entre pacientes e familiares.
Un servizo que combina a profesionalidade do equipo humano coas posibilidades da innovación tecnolóxica. Así, o éxito e adaptabilidade do noso servizo recae nas diferentes modalidades que ofrecemos (e ás que en 2021 incluímos tamén unha app móbil) pero o valor diferencial volve ser a humanización, proximidade e atención personalizada. Así despréndese das valoracións realizadas polas persoas usuarias e os seus familiares.
Este índice de satisfacción e os datos en volumes de chamadas de seguimento (máis de 9.000 dende o inicio do servizo) e alertas recibidas (máis de 2.000) confirman non só a validez do plantexamento no servizo senón tamén a súa necesidade, replicabilidade e escalabilidade a outros ámbitos e rexións.
Pola súa perspectiva humanista da atención e impacto xerado, este servizo foi obxecto dun artigo na revista médica “Academic Journal of Health Sciences”.
Ver artigo